|
Prolog in Mundart zum Hundertjährigen
100 Johr lang Gsangveroi.
Koiner singt do ganz eloi.
Mitnanner häßt dess Zauberwort.
Als Resultat steht hier vor Ort
De Sängerbund un stellt sich vor
in Vielfalt: Männer-, Frauenchor,
Projektchor poppich, bunt gemischt
for Jung un Ald! Un dess erfrischt.
Die Gründer däde sicher staune,
en ihre graue Bärt neiraune.
Vun „Holderstrauch“ un „Waldeslust“? -
Nix me zu höre? – Selbstbewusst!
Gebt sich de Gsangveroi em Wechsel
vun Klassik, Musikel bis „Jäcksen“.
Die Fraue längstens integriert,
Dirgente wach un engagiert,
verbindlich un for Neues offe.
Dess losst uns fest uff Nachwuchs hoffe.
Zukünftig Mann un Weib un Kind
zum Singe sich zusammefind:
Wer singt, der bruddelt ned un schelt.
Wer singt, verbraucht a ned sei Geld.
Wer singt, befreit sei Herz, sei Seel.
Drum singet all aus voller Kehl.
Wie’s Lewe spielt, mol ernst mol heiter.
Singend geht’s leichter, machet weiter.
Glückwunsch! Rundum „in Takt“, wen wunnerts.
Dess isch de Sängerbund mit Hunnert.
PS: Un Leit, wu singe, sin gwiss net bös.
Die Annere hen halt bloß CDs.
Else Gorenflo, 10. Januar 2010
|
